[WATCH] ‘Yung Totoo?: 5 fact check tungkol sa mga pekeng pahayag ng papuri kay Duterte

Maraming kaduda-dudang pahayag ang kumakalat sa social media, kung saan ay pinupuri diumano ng mga kilalang tao si Pangulong Rodrigo Duterte.

Marami sa mga pahayag na ito ay gawa-gawa lang, pero marami pa rin ang naniniwala sa mga ito. Minsan nga, kathang isip lang pala ang mga personalidad na nagpahayag daw ng mga papuring ito.

Suriin at i-fact-check natin ang ilan sa mga ito.

• FALSE: Queen Elizabeth II’s quote praising Duterte

Una, pinuri raw ni Queen Elizabeth II si Pangulong Duterte. Tinawag pa raw niya na pinakamasamang mamamayan ang mga Filipino. Totoo ba ito? Hindi.

• FALSE: ‘Swedish king, queen’ praise Duterte for pandemic response, war on drugs, Marawi

Pangalawa, pinuri rin daw ng hari at reyna ng Sweden si Duterte dahil sa kanyang pagtugon sa COVID-19, sa war on drugs, at sa Marawi siege noong 2017. Hindi rin totoo ito.

• FALSE: British princess praises Duterte for COVID-19 efforts

Pangatlo, pinuri rin daw ni Princess Beatrice ng Britanya si Pangulong Duterte dahil sa kanyang pagtugon sa COVID-19. Hindi rin totoo ito.

• FALSE: Mayor of Suplex City praises Duterte

Pang-apat, hinangad daw ni Brock Lesnar, ang diumano’y Mayor ng Suplex City, na baguhin ang kanyang lungsod tulad ng ginawa ni Duterte sa Davao. ’Yung totoo?

• FALSE: Spain doctors’ quote on Duterte’s COVID-19 response

At panlima, hinangaan daw ng Spain Medical Doctors Association ang mga pagtugon ni Duterte sa COVID-19 pandemic. Ano ’yung totoo?

Mga kaibigan, lima lamang ito sa mga pekeng pahayag na kumalat sa social media.

May nakita ka bang kahina-hinalang mga pahayag? Magpadala ng link at screenshot nito sa factcheck@rappler.com. – Rappler.com

Panoorin ang iba pang fact check videos:

• [WATCH] ’Yung Totoo? 5 fact check tungkol sa Super Typhoon Rolly at Typhoon Ulysses
• [WATCH] ‘Yung Totoo?: 5 fact check tungkol sa ‘panahon ng bastos’ at ‘panahon ng disente’
• [WATCH] ‘Yung Totoo?: 5 fact check tungkol sa Manila Bay
• [WATCH] ‘Yung Totoo?: 5 fact check tungkol sa mga COVID-19 conspiracy theories